Radisson Blu es. Hotel Rome→菲烏米奇諾機場(Leonardo da Vinci International Airport)→香港
今日就要返香港啦，由於追埋時差，第十日基本上係唔存在，所以加埋一齊這喺第九日度就算啦。
因為今日無行程，所以都可以遲返少少起身，上頂樓食多個早餐，就要檢查清楚係咪所有嘢都執好晒。
帶同所有行李，坐上旅遊巴，就要出發去機場啦，大約一個鐘車程。我同Ａ牛唔洗退稅，所以辦好登機手續就可以周圍行下。
繼而好快咁過咗海關入咗閘，然後喺裡面行下街，買埋餘下嘅手信，Ａ牛都幫佢朋友買咗個銀包。
大約中午時間就上機啦，喺機上渡過大約十一小時先返到香港，機上面都係食咗兩個正餐，中間又叫咗杯麵食，仲睇咗兩套戲，可能起身無耐就出發，所以都唔覺得眼瞓。
４月３日早上六時左右返到香港，今次又好神奇地完全唔洗等就拎晒行李走人囉，同領隊道別後就還機坐巴士走人，點知因為太早，返屋企架巴士未開始行駛，要坐另一架再轉的士。巴士司機話我哋好彩啦，佢入得切嚟機場，因為啱啱有車撞咗，入嚟機場果條路大塞車中。。。
終於返到屋企，放好啲嘢沖個涼就大覺瞓，意大利之旅正式完結。
返回 意大利十天鴨仔旅 - 行程目錄
沒有留言:
張貼留言
如欲從電郵收取此篇網誌的留言回覆通知，請按「發佈」右則的「通知我」，謝謝！