Starhotels Du Parc→拉士碧芝區(La Spezia)→Vernazza→Monterosso(Church of Saint John Baptist, Ristorante Al Pozzo)→Manarola→AC Hotel Pisa(Esselunga S.p.A.)
Monterosso呢度係一個幾大嘅鄉鎮，據導遊講只有呢個鎮先有餐廳可以容納我哋呢個３８人嘅旅行團。
同剛才一樣，導遊又係先講一講個集合地點，然後就帶我哋去到鎮內一間有特色嘅教堂，Church of Saint John Baptist，其實我又無咩留心聽佢講咩，只係知道呢間教堂係用咗啲骷髏頭做佈置。
講解完之後就拉大隊去附近一間餐廳食午餐，呢度嘅意粉我自己覺得係成個旅程最好味嘅一餐，好味到我竟然有添多碟，而且唔「漏」。仲有樣好嘅係呢度上菜都好快，係迫咗少少，但鄉村地方都無辦法。
飯後就有大約一個鐘頭自由遊覽時間，我哋就係度亂行一通，中途遇到隻貓貓，想影佢相佢就衝埋嚟，以為佢唔鍾意，咁我就閃開咗，之後有個鬼婆行過，隻貓又係衝咗埋去，原來佢係好鍾意比人摸，佢衝埋嚟係等你摸佢，之後我當然就唔再驚佢，係咁摸佢啦。
玩完貓貓，我哋就慢慢行返去集合地點附近，食食雪糕，散散步。呢個時候天氣開始放晴，曬起上嚟仲好熱添，等車嘅時候大家都要開返㵂嚟擋一下。
返回 意大利十天鴨仔旅 - 行程目錄
沒有留言:
張貼留言
如欲從電郵收取此篇網誌的留言回覆通知，請按「發佈」右則的「通知我」，謝謝！