Best Western Hotel Quattrotorri Perugia→佩魯賈(Perugia)城→十一月四日廣場(Piazza Ⅳ Novembre)→佩魯賈大教堂(Perugia Cathedral)→白露里治奧古城(Civita Di Bagnoregio)又名天空之城→Ristorante Papa Rex(意大利聲樂表演的晚餐)→Radisson Blu es. Hotel Rome
來到羅馬，第一時間是往餐廳吃晚餐，這家餐廳會有意大利聲樂表演，伴著你吃。掛住睇佢哋唱歌，都無咩留意呢餐好唔好食了，只記得頭盤的青口唔錯。唱到中途，佢哋換咗啲古羅馬衣服再唱過，臨尾仲賣ＣＤ呢！呀，忘了說，入這家餐廳是好似某樂園咁，有著了古羅馬鬥士服嘅員工同你合照，喺你差唔多食完飯就問你買唔買佢張相，影低佢都唔得㗎，佢會要你即刻刪除。
之後我哋就坐返旅遊巴去酒店啦，大城市真係大城市，交通都比較擠塞。終於去到酒店啦，今晚係住Radisson Blu es. Hotel Rome呢間五星酒店，大家都好期待，去到大堂一刻都仲係感覺良好，不過入到房，房間唔算好大，呢樣都唔緊要，但，有個企缸好似帳幕咁喺正房中間想點呢？聽聞飯腳姐姐間房係全玻璃窗無簾嘅浴缸，沖得好尷尬呢。房間窗外係羅馬火車站，隔音都可以，唔會太嘈。
返回 意大利十天鴨仔旅 - 行程目錄
沒有留言:
張貼留言
如欲從電郵收取此篇網誌的留言回覆通知，請按「發佈」右則的「通知我」，謝謝！