Mitsui's Blog

喜歡旅遊、喜歡拍照、喜歡發牢騷,什麼話題也會有的一個部落格。

2014年6月26日 星期四

140626 新進展...

六月開始返咗新份新工...
其實都抱住做唔長嘅心態...
因為有份朋友介紹更高人工嘅比我揀...
只係等INTERVIEW...
咁又唔可以太長時間唔做嘢...
所以一定要返住先...

直到今日, 終於CONFIRM晒所有嘢...
明天可以RESIGN...
希望嚟緊唔好又中伏啦...

另外...ARASHI之前因為AKB48嘅風波..
搞到差啲出唔到世嘅ARAFES'13 DVD...
尋日終於出咗中文初回版~~
今日就去買咗當係自己嚟緊嘅生日禮物~~
亦都當係慶祝搵到新工~~YEAH~~

2014年6月15日 星期日

140614 福山雅治

期待咗幾個月, 終於等到福山雅治喺香港開演唱會嘅日子~~
本來諗住喺CONCERT前同朋友C去唱K~~
練下福山雅治啲歌之餘又順便唱下ARASHI啲歌~~
點知去到發現間NEWAY執咗...冇得唱...

咁就即刻進行PLAN B...就係排一蘭...
難得過開呢區...又有時間, 咪去排下,
不過可能早啦...而且又啱啱開咗新分店...
唔洗等...五點幾就可以食我哋嘅晚餐...
味道呢...都係咁啦...只可以話...真係好貴....
跟住我哋搵咗間M記坐到夠鐘先去會場...

原先...我哋都驚個演唱會會悶...因為福山啲歌多數係慢的~
不過緊張嘅心情又唔係冇~~至於啲周邊...之前喺網上睇過...
貴...而且冇咩用...所以都冇諗住排...

咁我哋七點半去到...入場拎咗支會場專用嘅瑩光棒...
佢話係用咗WIFI技術去令去著唔同嘅色....
演唱會完咗係要還的...冇得研究...

我哋買咗S ZONE嘅飛, 雖然係呢個ZONE嘅最後一行,
但都近中間, 如果福山佢行到去橋嘅最前,
我哋都可以見到下佢個樣㗎~~~

八點多, 正式開始~~

一路都冇悶場...雖然有成一半嘅歌都唔識...但都睇得好開心~~
福山佢成晚講咗好多次"多謝你哋"同"好犀利呀!"嘅廣東話...
演唱會中途都有好多"紀念品"出現...但我哋只拎到彩帶同心形飛機...
不過最開心當然係可以見到佢真人...佢出場就行到最前...
果刻真係好感動...

全場都差唔多滿...大部份人都睇得好投入...
係我哋前面果PAIR情侶真係好煩...又遲到又早走...
又喺度話仲咩要企起身睇咁辛苦...
又喺度彈福山來來去去只係識果兩句廣東話...
好彩佢哋早走, 臨尾終於可以全情投入去睇~~

兩個半鐘左右嘅演唱會真係過得超快...
勁唔捨得...不過福山嘅演唱會都可以睇得我哋咁HIGH...
真係好難想像如果係ARASHI我會點...
真係好想好想勁想勁想睇一次ARASHI的呀~~~

























 

2014年6月9日 星期一

140609 相處...

因為星期六晚發生GE一件事...
令我再一次思考咩係朋友...

果晚落街買嘢食, 等待外賣時,
喺褲袋拎個電話出嚟, 見到一個MISS CALL,
係某朋友打嚟的, 我哋好少用電話傾計...
打嚟通常都係問嘢...但今次我復返電話去...係喊聲...
即時諗起另一朋友說過這位朋友早前都有打比佢只係喊...
實際咩原因我唔知果位朋友知幾多...
咁我就一邊安慰呢位朋友,
一邊用A牛部電話WHATSAPP果位朋友...
由於果位朋友正在日本旅行中, 我都知佢冇咁快覆到我...
亦都因為呢個原因, 呢位朋友今次先會選擇我....

而呢位朋友亦只有喊同話好辛苦好攰...
咩都唔知GE我真係唔知點安慰...
好驚愈講愈衰...令佢更傷心...

一路聽住佢喊...我就一路覺得自己究竟係咪佢朋友...
果一刻就好似對佢一無所知...
究竟佢最近發生過啲咩事?
究竟係咩令佢咁唔開心? 家人? 朋友? 事業? 定係情人?
究竟呢幾年我同佢有幾嘢傾過?
我哋係一齊去過旅行GE朋友...
佢喺我結婚時亦做過我姊妹的...
但呢一刻我覺得我知佢GE嘢就好似同一個普通網友無分別...
隨便諗一個網友, 我都係知佢喺邊返工, 住邊頭...
什至屋企有咩人...
而呢個朋友...除咗呢啲...我仲知啲咩???

我唔敢講係咪又係我"單戀"...
但肯定GE就係我仲未值得佢信任....

喺電話陪咗佢差唔多一個鐘...
我真係咩都幫佢唔到...只係可以聽住佢喊...
果刻真係極度迷茫...電話又就嚟無電...
好驚我收咗佢線佢會覺得無人理佢...
所以只係識得叫佢沖個涼, 瞓醒覺先再算...




呢兩晚, 瞓覺時都諗咗好多嘢...

以前...一直都放朋友喺第一位...
就算有拖拍都一樣...朋友都係為先...
但現在...咩係最重要...已經變得好迷惘...

我唔知係咪因為唔識同人相處...
總係喺友情路上遇到好多錯敗...
對朋友"單戀"咁付出, 唔係要咩回報...
但換嚟GE係出賣, 排斥, 欺騙, 針對, 老屈...
作為"自作多情"GE結果...

本身已經怕同人接觸...就算好熟...
面對面時都會DEAD AIR...有時仲會唔敢望對方...
受到"友情"上GE傷害後就更加怕...
變得好享受獨自一個自閉咁做自己鍾意做GE嘢...
冇錯, 喺網上面同人傾計我仍然可以好活躍...
但面對面, 什至用電話...都會怕...

久而久之...變得好似唔識同人正面溝通咁...
點樣交流, 點樣會應, 有時會變得不知所措...

同朋友見面...就好似變咗只係為咗負責任咁...
因為有人生日, 要出嚟食生日飯...
因為太耐冇見, 露一露面...
因為婚宴邀請, 要到賀一下...

究竟咩係朋友? 好似已經忘記佢GE真正意思...
對待朋友要真誠定係奉承?
面對佢哋GE惡習要寵壞定係指責?
對於佢哋GE私事應該要關心多一點定係置身事外?
我知道對住唔同GE人同唔同GE事都會有唔同GE手法...
但係...點樣開始一段友情...我已經覺得好難踏出第一步...

回頭再睇一睇, 其實身邊好多都只係酒肉朋友...
真正可以交心, 又有幾多個?
知己....真係好想要一個......一個就夠....