Mitsui's Blog

喜歡旅遊、喜歡拍照、喜歡發牢騷,什麼話題也會有的一個部落格。

2014年2月22日 星期六

140222 身痕

其實呢排開支真係好大...本應要好慳...
但都身痕買咗貴嘢...$_$

有隻錶睇中咗幾個月...一直都唔捨得去買...
因為用嘅機會唔多...只係諗住去飲呀, 隆重啲嘅場合先會用...
所以次次行過都只係望下佢算...

就喺早兩個星期開始唔見咗佢蹤影...
搵咗幾間分店都見佢唔到...有啲失望...
點知今日又喺某一分店比我再次見返佢...

見又有折...於是決定買咗佢返嚟先...
真係愈睇愈覺得靚~~XD


140221 近況...

近日都好忙...所以冇時間寫BLOG...

先係部電腦真係死咗...要買過啲嘢嚟整機...
跟住就係繼續忙新屋裝修...
加上兩個亞公都要進出醫院...兩個家庭都有好多生活上嘅變數...

自己都成日要睇醫生...唇瘡後到爛耳背, 跟住大牙痛, 再到眼要覆診...
還有係跟朋友見下面, 補祝返朋友生日咁...
最後就係加埋自己嘅搵工時間又開始咗...
真係忙到連ARASHI都冇咩點睇...

而家一次過補返裝修進度相先~~











2014年2月3日 星期一

140203 過年簡報

年廿八
呢晚終於抽到少少時間行下花市, 買咗兩支花過年....
返屋企繼續執屋....

年廿九
返娘家食飯...發現呢個時候先生唇瘡, 激死...
然後又再返屋企執屋...洗衫...

年三十
公司下午收爐...本來諗住自己一個睇"向陽", 但原來已經落晒畫...
跟住諗住快啲睇醫生搞掂啲唇瘡...結果搞咗三個幾鐘先睇完....
本來呢晚要去奶奶度食團年飯, 但A牛個公公喺大陸突然入咗ICU...
奶奶飛奔上去...變咗只係同A妹食....
食完就要再返去幫新舊屋企貼揮春....
最後仲要REMOTE返公司搞ACCOUNT DEPT啲REPORT.../_\
會計部啲同事仲要年初一返工...呢間公司真係............

年初一
本來要一早去奶奶屋企向祖先裝香, 但由於佢未返落嚟...
變咗瞓夠先去我媽度打牌...五點再出去醫院探我公...
順便同亞媽果邊啲親戚食飯....

年初二
因為奶奶初一晚已經返咗嚟, 所以初二就回復正常...
朝早先去向祖先裝香, 再喺佢哋食開年飯...
然後呆到夜晚同老爺啲親戚團拜...今年又係A牛做搞手...煩...

年初三
朝早起身就要去A牛個姑婆度拜年...
下午就到A牛啲FRIEND去我哋屋企玩...
班友仔又唔知時間玩到成一點先走...唉....Z_Z

年初四
終於可以休息返日...