150110 燉洋蔥

一年總離不開一至兩次大咳....
呢種咳唔係感冒形成...而係無啦啦氣管好唔順咁...
一講嘢就一定會咳...有時仲要咳到反胃...
呢種該睇過中醫西醫都唔得...
所以就試下啲偏方...

之前就見過"燉橙"呢個方法...早一兩年試過OK...
不過近兩次好似都唔係好WORK...
於是又再搵下有冇其他方法, 結果就搵咗"燉洋蔥"...
本身唔係咁鍾意食洋蔥...不過為咗止咳都要試...
但整完出嚟又幾好飲...連續整咗三日就冇晒咳~~
(不過見仲有一個剩, 就整埋第四日...)

我自己覺得燉洋蔥呢個方法好過燉橙,
一來燉完就咁飲就得, 方便過食返成個橙...
而且飲洋蔥水好味過燉完出嚟果啲橙水...
仲有就係燉洋蔥咩都唔洗落, 橙就要落鹽...
食少啲鹽感覺都健康啲...XD

至於個做法, 上網睇有唔同嘅講法,
我就綜合咗以下呢個步驟....


1. 成個洋蔥切頭切尾, 去皮再洗乾淨
2. 橫切4-5餅洋蔥圈
3. 將一個細碗倒轉放喺個大碗入面(記住唔洗放水)
4. 將頭先切好嘅4-5餅洋蔥圈圍住放喺倒轉咗嘅細碗上面



5. 然後隔水蒸佢30-40分鐘




6. 蒸完之後夾走晒啲洋蔥, 再拎起反轉咗嘅細碗
7. 飲晒碗入面嘅洋蔥水就得啦




至於啲洋蔥...上網睇亦都有唔同嘅處理方法...
我自己就冇留到, 求其食咗兩條就全部餵晒垃圾筒...

自己覺得都幾神奇...真係清晒冇再咳...
唔知下次再嚟, 仲有冇效呢...

150107 回與望

2014年轉眼街就過去...但就發生咗好多事...
社會、世界嘅事就由電視報紙去回顧...
呢度只係列出關於自己的事....

• 一月
• 新屋開始裝修
• 二月
• A牛亞公安息了
• 三月
• 新屋入伙
• 四月
• 舊工LAST DAY
• 關西旅行
• 開始返中伏工
• 五月
• 自己亞公安息了
• 辭咗份中伏工
• 六月
• 開始返另一份工
• 睇咗福山雅治嚟香港開嘅演唱會
• 辭咗六月呢份工
• 七月
• 開始返今年嘅最後一份工
• 月中買咗十一月嘅日本機票
• 配咗新眼鏡
• 月尾A牛屋企有大事發生
• 八月至十月
• 一直要處理A牛屋企嘅事
• 另一方面要煩娘家嘅混亂事
• 重新製作大文庫版嘅書仔
• 十一月
•  成功出發去關西旅行
•  終於可以睇到嵐嘅演唱會
• 入咗會做嵐嘅FANS CLUB MEMBER 
• 十二月
• 在家搞了聖誕PARTY

回顧返, 好多定落咗嘅目標喺2014年都冇完成到....
年尾仲冇事間周圍去影聖誕佈置...
但今年唔想去諗同定啲咩計劃....
因為呢一刻我都係掌握唔到所有嘢......
只求A牛家裡的事可以順利解決....
咁我先會有返屬於我自己嘅計劃......
先可以再諗旅行...............
先可以再補完成返之前定咗嘅目標....

結婚三周年尋風之旅 - 紀念印篇

今次的日本之旅沒有找到太多的紀念印的地方，最多的都是海遊館內各動物的紀念印，現在綜合了旅程上所遇到的，一次過展示給大家：



















返回 結婚三周年尋風之旅 - 行程目錄 

結婚三周年尋風之旅 - 後記、戰利品及手信篇

因為Ａ牛家裡的事差點導致今次不能成行，幸好最好都可以順利出發，但因為Ａ牛家裡的事還需要長時間及大量金錢去解決，相信一段時都不能再去旅行，所以今次的安排比較密集，差不多每天都早出晚歸，用盡所有時間。

很感恩今次可以看到很多紅葉，雖然今年的見頃早了些少，不過可以看到醍醐寺、永観堂等美麗的紅葉景色真的心滿意足，唯獨有一點點可惜就是未能前往箕面公園和祇園一帶。

雖然已經是第八次踏足日本，但今次仍然有很多新嘗試，就像穿和服體驗、在日本看演唱會、排隊買演唱會周邊、坐廉航的客機、即時購買預付上網卡這些，而且這次是在正式開始學日語後的首次日遊，比之前更放膽地說多了日語，所以又可以累積多了一些新經驗。

正如我剛才所說，去旅行再未來一兩年的機會極之少，所以都不敢抱有甚麼期望或者計劃，只能希望這一段時間可以快點過去，事情可以再次由自己掌握。

今次的日元下跌了不少，幾乎回到０７年去那時一樣，不過我們都沒有大量購物，但對於酒店的費用、和服租借的費用還有飯食交通的開支可以算是節省了不少，連同機票，今次共使用了約三萬八千港元，分佈如下：




這次除了手信外，購買得比較多的都是嵐相關的物品，回程時兩個行李共重大約是三十公斤。





返回 結婚三周年尋風之旅 - 行程目錄 

150102 突如其來

今早收到一個好難接受嘅消息...
冇諗過2015年嘅第二天就有個咁壞嘅消息...
一個我好尊敬嘅配音員...
一個會記得我個網名嘅配音員...
一個把聲陪住我成長嘅配音員...
啱啱呢幾日都仲有佢嘅電台訪問...
點解會咁突然咁離開我哋?

真係接受唔到....T_T

中午開始有報紙網公佈呢個消息,
FB亦不停有人出POST講關於佢嘅嘢...
可能自己喺公司都太忙, 分散咗少少注意力...
所以一直個心都只係酸下酸下...
忍住咗淚水...

但係到咗夜晚, 睇咗好多人嘅文章...
終於爆喊咗出嚟....

雖然話世事無常, 但係真係好想呢個消息誤報...
特別係當啲人講話"叮噹去咗搵大雄啦",
啲片播叮噹嘅電影對白"我唔可以再留喺度啦, 真係要走啦"
就真係好唔想接受, 好想呢一切係假....
一諗到以後嘅叮噹唔再係佢配, 真係唔知會變成點...
就好似當年娟姐走咗, 佢配開嘅角色轉晒人一樣...
係到咗呢家都接受唔到...
林保全先生一樣...真係唔敢相像...

其實呢幾年我都已經好少再留意配音員...
新果批, 完全分唔到...舊有熟識嘅又少咗好多個...
經典嘅動畫而家就算再播返都已經唔係原有嘅配音員...
就只有叮噹...咁多年都係林保全先生...
無錯, 舊有嘅配音員總有退休嘅一日...
但係咁樣而換人真係接受唔到...

不過, 真心希望林保全先生可以喺天國同娟姐好好聚舊,
叮噹再次走到大雄身邊....


一路好走....R.I.P.

141129 結婚周三年尋風之旅 Day 8.3

Day 8 行程
預計 : 大阪新阪急ホテル→黒門市場→cafe&bar ARASICK→大阪城→大阪新阪急ホテル→関西空港
實際 : 大阪新阪急ホテル→阪急三番街→大阪新阪急ホテル→黒門市場→cafe&bar ARASICK→心斎橋→万博記念公園→大阪新阪急ホテル→関西空港→香港

此篇相關連結
大阪新阪急ホテル - http://www.hankyu-hotel.com/hotel/osakashh/


返回千里中央駅後，由於一日票不能通過入閘機，原因正如之前所說，這裡是超出了適用範圍，所以我們找了車站職員確認是否在江坂駅才可以使用，接著便去售票機 購買前往江坂的車票，再搭乘到該站。到達江坂駅後當然是用車票出閘，然後成功用一日票再次入閘，再懷著不捨的心情乘車返回梅田。

到達酒店後，我們先取回行李，再整理一下，接著便要出發到大阪駅。









大阪《大阪環状線関空快速》天王寺《阪和線関空快速》日根野《関西空港線》関西空港
原價 1190 円

其 實酒店門外是有機場巴士直達的，但我們擔心會遇上交通擠塞等問題會有所延誤，所以還是覺得鐵路會比較易掌握。ＪＲ雖然所需的時間比較長，但不用轉乘，從大 阪駅登上列車便可直到機場，不過要注意的是，大阪環状線関空快速是會在日根野分體的，１－４號車箱才是前往機場的，而５－８則是前往和歌山，我們也差點站 錯位置呢，當時我們站在７號車箱的等候處，突然間有個經過面前但只說日語的伯伯向著我們不停指著１號車箱方向做起飛的動作，我們當時真的不太明白，結果我 身旁的一個男人用英文補充說這裡是往和歌山的，前面才是関西空港，我們才恍然大悟，立即跑到１－４號那邊，為何我們每次從酒店到機場都總是要拖著行李跑？

大約一個小時後，我們終於到達関西空港，習慣上是在辦理登機手續後才去吃晚飯，但由於我們今次搭乘的ＰＥＡＣＨ是在Ｔ２，需要乘坐機場提供的接駁巴士才可以到達，而那邊在我們到步那天已經留意過沒有太多吃晚餐的地方，於是我們今次先在Ｔ１吃，之後才辦理登機手續。

在Ｔ１有一個聚集了多家食店的地方，我們就在那裡購買各自喜歡的食物來吃，我就選擇了大阪式的炒麵，而Ａ牛就選擇了ポムの樹的蛋包飯來吃。然後我們在附近的商店購買了少量手信，才前往接駁巴士的車站。









到達Ｔ２後， 一心想著在檢查行李後就會辦理登機手續，但原來這裡是要我們在自助登機處先辦好手續才排隊寄存行李。因為這裡都沒有甚麼可以逛，所以手續辦完後，我們便通過安檢了，安檢後便是出境的海關，海關連接著的已經是候機處，而這裡就只有三個店舖可以打發時間。

時間一到，準時讓我們登機，就如到步一樣，需要走一段路才走到飛機那裡。今次飛機亦準時出發，在機上睡睡覺，大約四小時後便回到香港。








在香港通關不用太多時間，但這次又是在等待行李花了接近一小時呢。這個時候已經凌時一時多了，已經沒有機場巴士回家，而出租ＷＩＦＩ的店舖亦已關門了，所以 一切都已經不用著急。我們慢慢在機場為那棵新建好的聖誕樹拍了照，之後Ａ牛獨自去出租ＷＩＦＩ的店舖門外的收集箱歸還ＷＩＦＩ機，而我就站在一旁等候，然 後再一起到的士站，這次是我們首次使用的士回家呢。回到家裡已經凌晨二時有多了，旅程就在這裡正式結束。





返回 結婚三周年尋風之旅 - 行程目錄