Villasanpaolo Spa Hotel San Gimignano→錫耶納主教座堂(Duomo di Siena)→田野廣場(Piazza del Campo)→曼吉亞塔樓(Tower Mangia)→Castello di Verrazzano午餐→THE MALL→Best Western Hotel Quattrotorri Perugia
早上起來先去吃過早餐，款式都算多啊，然後回房間收拾東西，正準備離開之時，見到內園門外有隻貓貓瞓咗喺度，結果又同佢玩咗一陣先走，今次呢個意大利之旅好有貓貓緣呢！
今日第一站係去錫耶納(Siena)嘅古城遊覽，城裡面好似迷宮咁，領隊好驚我哋會走失。當佢同我哋講集合地點係對住田野廣場(Piazza del Campo)呢個位置時，兩個小朋友同佢嘅屋企人掛住玩無聽書，結果呢，因間再講。
之後領隊繼續帶我哋行到去錫耶納主教座堂(Duomo di Siena)就解散，呢個教堂外觀已經好宏偉，不過好似進行緊彌撒，唔入得去參觀。
跟住我哋就行返去田野廣場(Piazza del Campo)果邊，順便睇埋曼吉亞塔樓(Tower Mangia)，聽講呢度係賽馬嘅路嚟㗎！
遊覽完就要返去集合啦，其實呢，今日係唔可以遲到，因為今日為咗某啲原因中午開始就會封城，唔出得唔入得，如果走唔切就要喺度呆到下午四點，所以領隊喺解散前再三講清楚集合時間同地點，但果兩個小朋友嘅家人明明唔知邊度集合，都唔清楚就走咗去購物了。最終就係，我哋等唔到佢哋出現，喺呢個好似迷宮嘅城又好難定到位，最終就成推團友左兜右兜先搵得返佢哋，其實，最想去Outlet Shopping嘅就係佢哋，被困城裡面無得Shopping嘅都會係佢哋，好彩最終都趕得切離開。
返回 意大利十天鴨仔旅 - 行程目錄
沒有留言:
張貼留言
如欲從電郵收取此篇網誌的留言回覆通知，請按「發佈」右則的「通知我」，謝謝！