Best Western Hotel Quattrotorri Perugia→佩魯賈(Perugia)城→十一月四日廣場(Piazza Ⅳ Novembre)→佩魯賈大教堂(Perugia Cathedral)→白露里治奧古城(Civita Di Bagnoregio)又名天空之城→Ristorante Papa Rex(意大利聲樂表演的晚餐)→Radisson Blu es. Hotel Rome
之後我哋坐返輕鐵落山，領隊又要喺山上等走失嘅團友，佢就交低咗啲車飛比先行嘅團友，等佢哋可以自己出閘，而我同Ａ牛見還掂都要等，我哋都唔同先行嘅團友同車啦，等下一架小啲人嘛，佢都係一架一架接住去嘅。
齊晒人先後就坐旅遊巴去白露里治奧新城食午餐，呢餐都唔錯，店主仲好靚女呢！
餐後又匯合咗另一導遊，佢係白露里治奧古城(Civita Di Bagnoregio)嘅當地導遊，佢帶住我哋坐預先預約好嘅接駁巴士，由新城坐到去古城果邊。
白露里治奧古城(Civita Di Bagnoregio)又名天空之城，當煙霧迷漫嘅日子就會見到座城好似浮喺天空一樣，據講宮崎駿嘅天空之城都係用呢度做參考。
一落接駁巴士，就可以離遠見到白露里治奧古城(Civita Di Bagnoregio)，雖然今日天朗氣清，不過個景觀都係咁靚。
離遠欣賞完一陣，導遊就帶我哋入城，不過天氣太好，又曬又熱，行上去真係幾攰。
行完真係好佩服以前啲人出入個城嘅毅力，以前條路一定無咁好行。城入面唔算好大，我哋好快咁行咗一個圈就返出去啦，因為太曬太熱，行得慢咗好多，仲索晒氣。我哋離遠影多一陣古城就去附近一家小餐廳買可樂飲啦，之後返到嚟個團友都係一個接一個買可樂飲呢！
之後成團人就坐返架接駁巴士返去旅遊巴，然後就出發去旅行團中最後一個城市，羅馬。
返回 意大利十天鴨仔旅 - 行程目錄
沒有留言:
張貼留言
如欲從電郵收取此篇網誌的留言回覆通知，請按「發佈」右則的「通知我」，謝謝！