BEST WESTERN PLUS Quid Hotel Venice Airport→穆拉諾島(Murano)→布拉諾島(Burano)→聖馬可區(San Marco)→Da Bepi→BEST WESTERN PLUS Quid Hotel Venice Airport
第二個要遊覽的威尼斯島就是布拉諾島(Burano)，出發前已經被好多旅遊網頁介紹的吸引住，因為佢成條街都係五顏六色的建築物，望住呢啲七彩嘅小屋心情都會好啲，最重要係今日就好似啲旅遊網頁相片中嘅藍天白雲嘅天氣，真係非常非常之咁期待。
十幾二十分鐘後就由穆拉諾島(Murano)到達布拉諾島(Burano)，在遊艇上已經見到島上七彩嘅小屋，本來都已經計劃好要走到邊個位置影相咁，但一落船就要失望了，因為領隊話我哋只得１５分鐘遊覽時間。本身呢１５分鐘仲要係比你睇一間好出名嘅喱士店介紹，唔睇嘅團友就可以去欣賞風景。所以我哋同埋部份團友都即係衝咗去搵影相靚嘅地方，先前見到果啲影相位應該都唔夠時間去啦。
雖然係有少少唔開心嘅，但見到啲咁靚嘅街道，亦係自己恨咗好耐嘅地方，唯有收拾心情，好好享受呢１５分鐘，逛影相！！
返去集合前幾分鐘，把握咗機會買明信片，不過就趕唔切買郵票，前一日喺米蘭我都有問過領隊喺邊可以買郵票，佢話啲賣煙仔嘅地方應該會有，雖然呢度個集合點附近有一間，當我同Ａ牛講「你估我哋因間仲有無機會去買呢」嘅時候，領隊就同我講「我因間幫你哋買啦，等你哋可以多啲時間遊覽」，即刻覺得實在太貼心啦！咁我就放心交比你啦！！
過咗集合時間超過五分鐘，仲有團友未返嚟，咁領隊就叫咗成日叫我哋應住佢粒星嘅當地導遊帶我哋去餐廳，佢自己捉返啲鴨仔就會跟住嚟。
今日呢餐都係意大利餐，同樣地，上菜速度都係算慢，有團友亦乘機到外面影下相，我哋就同兩位飯腳姐姐（幾乎每餐都係孖住佢哋坐）傾下計算。
食完飯就要返去碼頭離開布拉諾島(Burano)啦，一路行大家都一路把握住最後嘅影相機會。
返回 意大利十天鴨仔旅 - 行程目錄
沒有留言:
張貼留言
如欲從電郵收取此篇網誌的留言回覆通知，請按「發佈」右則的「通知我」，謝謝！