Best Western Hotel Quattrotorri Perugia→佩魯賈(Perugia)城→十一月四日廣場(Piazza Ⅳ Novembre)→佩魯賈大教堂(Perugia Cathedral)→白露里治奧古城(Civita Di Bagnoregio)又名天空之城→Ristorante Papa Rex(意大利聲樂表演的晚餐)→Radisson Blu es. Hotel Rome
來到第七天，都係起身食完酒店提供嘅自助早餐再出發，今日要去遊覽佩魯賈(Perugia)，終於輪到我哋坐旅遊巴嘅第一行啦。
旅遊巴先車我哋去到一個叫Pain di Massiano嘅地方，然後領隊就買輕鐵車飛，我哋就坐來到輕鐵上山，基本上係總站去總站嘅，但因為一架輕鐵上唔晒成團人，我哋都驚驚地係咪真係去總站等坐第二班車嘅領隊呢。
喺山上集合返晒啲人嘅時候，佩魯賈(Perugia)嘅當地導遊都出現咗，之後就由佢介紹佩魯賈(Perugia)城呢個地方，我哋就跟住佢行咗一轉，途中仲遇到一啲特別軍人，據講係因為有總統嚟呢度，所以就加派咗啲特別軍人喺度。
跟住當地導遊去到十一月四日廣場(Piazza Ⅳ Novembre)同佩魯賈大教堂(Perugia Cathedral)就解散啦，我哋參觀完教堂就行返出去剛才經過嘅地方，補返啲相，順便去間小超市行下。
剩返少少時間，我哋就發現咗集合地點附近有間朱古力店，入面好多特別包裝嘅朱古力，終於喺度買到大部分嘅手信啦！
返回 意大利十天鴨仔旅 - 行程目錄
沒有留言:
張貼留言
如欲從電郵收取此篇網誌的留言回覆通知，請按「發佈」右則的「通知我」，謝謝！