150927 中秋郊遊

中秋節冇咩特別嘢做...見唔算好熱...
去咗郊遊一下...揀咗近近地又短短地嘅路線...
小夏威夷徑...呢度有個唔錯嘅瀑布...
如果有太陽...唔知會唔會見到彩虹...
心入面果條彩虹...又會幾時先出現...

150912 寒天啫哩

因為之前一本雜誌介紹咗整一個櫻花寒天好靚...
於是想買材料嚟整...但應該個個都咁諗...
所以啲材料就賣斷晒...月頭返貨都只係得櫻花...
無透明寒天...店員就叫我用うめ(梅)味代替...
透明感真係差好遠....

不過呢...用寒天啫哩整呢啲易控制過普通啫哩好多,
例如鬆鬆及嵐王子...以前用普通啫哩整...
一定有啲眼耳口鼻漏底喺個模到...
但寒天啫哩可以好輕易就脫模...成個樣都完整倒到出嚟...

先係雜誌的櫻花寒天:



呢啲就係我整嘅...

150905 百上加斤

又個幾月啦...娘家困擾嘅事唔單冇解決到...
問題仲愈來愈複雜...
公司嘅人事問題又已經浮現咗出嚟...
仲要個問題根源係自己嘅上司...
喺公司就要打醒十二分精神去應付...
返到屋企又要處理娘家嘅事...
真係好攰好攰...

唔單止多次崩潰...有時仲會無啦啦喊起嚟...
呢啲係咪就係抑鬱症嘅先兆?

 真係好想變得冷血...............

150726 困擾...

娘家嘅問題一直以嚟都係一個困擾...
近幾個月仲更加嚴重, 情緒多次崩潰...
無論每日令自己過得幾開心都好...
一下間都會負能量爆升...

數年前出現過嘅自殺念頭又再出現...
如果身邊唔係仲有A君喺度...
我相信呢個就唔會係一個念頭...而係一個行動...

另外...七月份又轉咗工...
其實今次都唔知算唔算係轉工...
有啲似轉部門...因為人工, 強積金, 同出糧公司都會繼續...
但工作嘅地方, 機構, 人事, 職責又唔同晒...

次次轉換工作都係希望做得長久...
但次次都係因為同一原因堅持唔到...
有諗過直情轉行...不過娘家問題, 加上A君屋企嘅事...
不得不繼續, 先可以維持到而家嘅生活水平...

返咗新工就快一個月...暫時工作上係OK, 人事上還有待觀察...
不過公司制度上有點苛刻...希望快啲習慣...
希望呢度唔會再出現同一個令我想轉工嘅問題...