最近因為網友介紹, 認識咗人生第一個日本朋友,
呢幾個星期以嚟都係用LINE傾計,
趁仲未搵到工, 早幾日終於鼓起勇氣答應佢嘅邀請,
約定了今日一齊食一個LUNCH見下面...
之前唔敢答應係因為我嘅日文跟本未能夠同人傾到計...
用LINE同佢傾, 都係大量借助翻譯機嘅幫手先溝通到...
所以好怕出到嚟會完全唔掂而令對方唔高興...
不過呢個新朋友好好人, 佢話唔介意用英文交談,
亦唔介意面對面嘅時候都要靠手機...
而我本身都好想見下呢個咁傾得埋嘅新朋友...
(雖然佢唔係嵐飯, 但同佢傾計都覺得幾舒服)
我哋揀咗食上海料理, 佢話佢上午有啲嘢做要大約1:30先到,
咁樣仲好啦, 避一避打工仔嘅LUNCH TIME, 唔洗比人趕...
結果我哋一路食一路傾, 用英文用日文用翻譯機...
不停咁傾咗唔同嘅話題...個LUNCH食咗差唔多4個鐘!!!
一日用咁多日文應該都係第一次...雖然都係爛日文~
呢個新朋友為咗令我明佢講咩, 佢都用咗好多英文,
真心地講...佢嘅英文真係比我好好多...
真係唔好睇少新一代日本人嘅英文能力~
呢餐真係食得好開心~~希望可以同佢KEEP住做朋友~~
更加希望我啲日文可以進步得快啲,
同佢可以更加流暢咁傾計~~
沒有留言:
張貼留言
如欲從電郵收取此篇網誌的留言回覆通知，請按「發佈」右則的「通知我」，謝謝！