抛低A君, 同兩個好友約咗喺CWB食早餐, 跟住先一齊入去~~
天氣雖然好, 但實在太熱, 人又多, 淨係買飛入場都排咗成個鐘...
入到場, 我哋本來諗住上山快啲睇咗企鵝先, 不過路過"羅蘭"鬼屋,
於是先玩呢個, 根據指南所講, 呢個係最恐佈嘅....
但可能係人真係太多, 跟本一啲都唔驚...未到個位已經見到前面啲人被嚇...
玩完我哋就真係上山啦...原本諗住坐吊車...經過"香港老大街"後,
發現要排超過一粒鐘, 所以我哋唯有坐海洋火車上去, 然後直撞衝去企鵝館...
隔住啲企鵝果塊嘢太多水珠...好難影得好呢...
喺企鵝館外休息一會, 我哋就再玩咗個"M&Ms" 鬼屋, 呢個真係一啲都唔驚,
但入面好靚, 可惜唔可以影相...玩完呢個, 接住又再去搵另一個"K-POP"鬼屋玩...
因為三個鬼屋都唔洗排好耐就可以玩...就諗住5:30日落前玩埋最後一個...
(其實仲有第五個, 不過喺兒童王國, 而且指南話唔驚, 所以冇諗住去)
點知去到見到條隊龍...睇怕都要排成個鐘, 咁樣就會趕唔切睇日落...
咁之後經過海盜船話輪候時間係15分鐘, 咪排嚟玩下, 結果都排咗接近40分鐘...
玩就玩咗一分鐘都唔知有冇....不過呢, 完全冇諗過呢個年紀玩,
真係覺得驚咗好多, 唔通年紀大咗真係會細膽咁多?
因為排耐咗...結果上到去個靚住都已經差唔多日落完...唔係影到好多靚日落相...
之後我哋坐咗陣就去搵晚餐...好唔抵食呢...$150先一個飯...仲要冇飲品...
但冇計, 已經冇咩選擇...佢兩個又話攰到行唔到, 唯有張就下...
食飽飽有返啲氣力(臨離開餐廳時, 有兩個外籍人士打架呢...>O<)...
就去返第四個"工廠"鬼屋排, 雖然條隊比下午仲長咗好多,
但原來都只係排咗一個鐘左右...好快咁玩完...又要再排隊走人...
吊車又係唔洗諗...連火車都好多人排(差啲又有人打架)...
真係少啲腳骨力都唔掂...
返到去山下, 影埋少少靚靚夜景就走人啦...綜合全日嘅感想...
除咗好多佈置可以影, 啲鬼屋一啲都唔恐怖, 可能人太多, 一啲都唔驚嚇,
試過一次之後, 覺得以後唔洗再嚟呢度玩哈咾喂囉~~
