唔覺唔覺咁耐冇更新...
呢個幾月...除咗返工返學打機睇嵐外...
仲發生咗好多事...
罷課佔中事件大家都知.... 呢度亦唔想講有關政治立場嘅嘢...
所以唔提啦....
另一件事係...A牛屋企發生咗件大事....
令到所有計劃都打亂晒...夢想亦都幾乎破滅...
呢段時間唔開心咗好耐...好唔甘心...大喊咗好多次....
呢件事亦令我諗起讀書時期亞SIR講嘅一句說話...
你知道肯定合格或者肯定唔合格就冇嘢好驚...
最驚都係你唔知自己會唔會合格...
套用返喺呢件事上面...就係最可怕嘅係...
你咩都掌握唔到...就係最不安...
唔知幾時可以做啲咩, 唔知而家可以做啲咩...
更加唔知幾時先知要做啲咩...
所有嘢都唔可以再做PLANNING....
對於一個好依賴PLANNING嘅我嚟講就更加不安...
其中一個要解決呢件事就係要用到金錢...仲要係極大量...
但用咗又唔一定解決得到...
呢一個未知嘅因素亦影響咗之後好多嘅事...
即係咁...錢唔係萬能, 但冇錢就萬萬不能...
咁多未知之數...又點可以有任何PLANNING.....
就算硬要PLAN....進行唔到又會唔開心....
人類真係好妙小...
Add oil!!!! 人生總有好多事會唔順心, 但好快會過去, 再想番會覺得不是一回事.
回覆刪除但機會嘅嘢...錯過咗就冇...
回覆刪除世事有好多嘢都唔係我哋預計倒,每個人都有自己嘅難題,都需要自己去解決,有時喊吓真係可以舒緩倒,我有時都會。要比心機,唔好氣餒呀!
回覆刪除仲有就係 '渺小' 至啱。^_^
謝謝你~~
刪除係喎, 呢個渺先啱~~謝謝提醒~~