Mitsui's Blog

喜歡旅遊、喜歡拍照、喜歡發牢騷,什麼話題也會有的一個部落格。

2013年12月1日 星期日

131129 滿天星星

前一晚姊妹J話都見到好多星星, 今日天氣亦實在太好,
於是臨時叫姊妹C一PAIR睇下會唔會一齊去影下星星~
因為佢哋有車, 去遠少少都方便啲...

咁各自放工返屋企拎好晒影相工具, 同埋防寒衣物,
十點就出發, 本來都冇咩頭緒去邊好,
姊妹C男友就提議咗去清水灣郊野公園,
果度真係夠晒黑, 一抬起頭, 真係超多星星!!!

成世人都係第一次見到咁多, 相機影出嚟就仲更加多~~
今次呢部新相機S120真係完全將佢嘅賣點發揮晒出嚟...
咩都唔洗煩點SET...就咁轉去星空MODE就得啦....

影完一輪...係時候到星軌MODE啦...因為我自己冇大腳架...
要等A牛影晒我先可以用...而且又唔想阻姊妹C佢哋一PAIR太耐...
所以今次試影半個鐘長嘅星軌算啦...

影完出嚟真係都好靚...同埋睇返星軌個形狀,
我哋今次應該係向咗東面~~下次想影向南嘅形狀,
同埋要試下取景時入埋地平線嘅物品落去個構圖先得....
今次淨星星好似單調咗啲....

喺影緊呢三十分鐘嘅星軌時, 眼見有四架飛機經過...
其中三架入咗鏡...不過亦喺我哋話緊啲飛機阻住晒嘅時候...
正好出現咗一粒流星...我成世人都未見過㗎...
連流星雨都冇成功睇到...雖然呢粒流星出現得非常短暫...
亦影唔低佢嘅出現....但佢到而家依然留喺我個腦入面呢...



6 則留言:

  1. 回覆
    1. 影星軌真係要好有耐性, 同埋...唔知啲電最長可以影到幾耐呢...
      我今次影咗半個鐘...都差唔多用完一粒電...@@

      刪除
  2. WOW~ 對星星冇咩認識,星軌係指星星移動中的軌道/路線嗎?_?
    anyway~我呢幾日o係市區都覺得個天好多星星~唔知係咩特別季節呢? :)

    回覆刪除
    回覆
    1. 你講得啱~~星軌係指星星移動中的路線~~同埋原來我哋向唔同方向影相, 星軌嘅形狀係有唔同㗎, 比條LINK你睇下~~
      http://www.fotobeginner.com/2248/star-trail-and-meteor/
      呢幾日因為天氣乾燥, 就會冇咩雲, 咁就自然會見到好多星星~~~

      刪除

如欲從電郵收取此篇網誌的留言回覆通知,請按「發佈」右則的「通知我」,謝謝!