年廿八
呢晚終於抽到少少時間行下花市, 買咗兩支花過年....
返屋企繼續執屋....
年廿九
返娘家食飯...發現呢個時候先生唇瘡, 激死...
然後又再返屋企執屋...洗衫...
年三十
公司下午收爐...本來諗住自己一個睇"向陽", 但原來已經落晒畫...
跟住諗住快啲睇醫生搞掂啲唇瘡...結果搞咗三個幾鐘先睇完....
本來呢晚要去奶奶度食團年飯, 但A牛個公公喺大陸突然入咗ICU...
奶奶飛奔上去...變咗只係同A妹食....
食完就要再返去幫新舊屋企貼揮春....
最後仲要REMOTE返公司搞ACCOUNT DEPT啲REPORT.../_\
會計部啲同事仲要年初一返工...呢間公司真係............
年初一
本來要一早去奶奶屋企向祖先裝香, 但由於佢未返落嚟...
變咗瞓夠先去我媽度打牌...五點再出去醫院探我公...
順便同亞媽果邊啲親戚食飯....
年初二
因為奶奶初一晚已經返咗嚟, 所以初二就回復正常...
朝早先去向祖先裝香, 再喺佢哋食開年飯...
然後呆到夜晚同老爺啲親戚團拜...今年又係A牛做搞手...煩...
年初三
朝早起身就要去A牛個姑婆度拜年...
下午就到A牛啲FRIEND去我哋屋企玩...
班友仔又唔知時間玩到成一點先走...唉....Z_Z
年初四
終於可以休息返日...
新年快樂, 最近好多人生唇瘡, 我老公之前又係, 同事最近又有, 幾時新居入伙呀?
回覆刪除係喎, 我喺fb出咗status之後, 都有幾個人話生緊唇瘡...@@
刪除未知呀, 本來想三四月...但奶奶又話清明月份唔可以搬..../_\
嗯好像發生滿多意料之外的事情呢
回覆刪除希望馬年萬事大吉,順順利利,身體健康喔!!
謝謝啊~~我都祝你龍馬精神~~馬到功成~~最緊要身體健康~~
刪除