130929 無聊玩意

結果都係心思思忍唔住急不及待去玩下啲冰模...
所以用咗最方便嘅方法整冰塊就算...
行咗一轉超市, 搵晒嵐五子嘅代表顏色飲品...
(二宮=黃, 大野=藍, 櫻井=紅, 松本=紫, 相葉=綠)
整咗出嚟放埋一齊, 覺得啲色又幾靚喎, 係黃色淡咗啲...
最後順便用水整多個透明~~

130927 快樂泉源

公司一個月比一個月忙...愈係唔快心就愈需要ARASHI...
之前訂咗嚟氹自己開心嘅ARAFES周邊終於到手啦~~
由於搵代購太貴...本來只係訂咗兩個冰模同一副眼鏡...
點知之後有日遊網友主動聯絡我話ARAFES期間佢會去日本...
問我洗唔洗幫手買嘢, 為咗拉返平均啲貴嘢...又可以集齊三色冰模,
所以我就搭佢買多埋最後一隻色嘅冰模啦~
另外最開心嘅係, 呢個朋友仲幫我拎咗最新嘅JINS傳單比我~真係好感激呢~~

除住"推理要在晚餐後"已經上映咗一段時間, 屋企附近間戲院已經冇咗個大紙板啦...
好唔捨得呢....>O<





至於眼鏡眼鏡效果呢~~喺呢度貼埋圖比大家睇睇~~
ARAFES比起迪士尼果啲聖誕眼鏡容易出現效果...即係個"嵐"字...
連少少反光都會有...但光以外嘅嘢就濛到睇唔到係咩嚟...

ARAFES:

迪士尼:

130923 颱風假期

估唔到今年竟然有兩次機會放到數個小時嘅颱風假期...
8月14果個就非常想佢放夠一日比我...但今次呢個...
可能公司實在太多嘢做, 而且見佢轉咗向...都預佢放唔成多㗎啦,
點知今朝可以瞓多兩個鐘, 都可以話幾開心...
雖然好想佢可以放耐啲...但啲嘢始終都係要做...唯有繼續努力...

130913 推理電影

期待已久嘅推理要在晚餐後電影版終於喺尋日(12/9)上畫啦~
身為櫻井翔粉絲嘅我當然第一時間就去睇啦~~
有睇開呢套劇嘅都知呢套嘢係笑片嘅推理劇...電影版當然都係啦~~
不過劇情就唔會喺度講啦~~總之好好睇~絕冇悶場~~

其實8月初, 屋企附近間戲院已經放咗宣傳海報喺度...
日日往返屋企都專登望下個牌先開心...
而家套電影上咗畫啦...即係個牌好快會搬走啦...
到時一定好唔慣....>O<

130912 家庭飯局

今晚同A牛一家去咗尖沙咀嘅大喜屋食日式放題,
基本上同松家果啲差唔多, 不過熟食等好耐先會出到...
刺身唔錯, 有埋帶子食, 正~反而雪糕同飲品選擇就少啲~
整體都OK嘅~~

130908 唱K慶生

好友J就快生日, 佢好鍾意唱K, 而我又喺上個月發現有ARASHI唱...
所以決定佢個生日用唱K嚟慶祝~~

今晚好熱鬧呢, 成十個朋友仔一齊, 有啲係我新認識嘅朋友仔~~
我又唱咗好多首ARASHI...KAKA~~
本來我哋BOOK咗五點半唱到第二朝五點半...K自助餐~
不過主角七點幾先到呢...原因就係佢整咗個SURPRISE比我哋~
又靚又好味嘅餅餅~~多謝主角~~~

因為第二日要返工...好多人都唔可以唱咁夜, 所以我哋九點左右就食蛋糕啦,
一個係K場送嘅, 一個係之前主角話想食, 我哋搵人去買嘅~
本身都食咗好多嘢~~真係好飽呢~~

第一批嘅人走咗之後, 其他人應該唱到十一點左右都散囉~~

130906 同步網誌

因為BLOGGER同PIXNET都有唔少人會搬去....
要喺BLOGGER留言都要有返個ACCOUNT先方便...
所以最後決定都係兩邊同部更新...
仲可以對自己將來有個保障~

但...BLOGGER係咪冇得分類呢?