Mitsui's Blog: 070401 九州 Day 1

外遊日子 : 2007年4月1日 - 2007年4月5日
地點 : 九州環島遊
遊伴 : 姊妹C
旅行社 : 東瀛遊
全團人數 : 40 x 4團
導遊及領隊 : Joe Wong

雖然心情十分緊張(話晒第一次搭飛機去旅行嘛), 但係尋晚都訓得好好,
今朝仲唔願起身添...為左唔遲到...伸到6點半就起身刷牙洗面食早餐~
老先生o黎送我機, 兩人準時七點三上巴士, 去到ge時候係8點20分, 就打比姊妹C,
睇下佢o係邊, 原來佢o係東涌, 我地兩個就逛o左陣...到8點40分, 姊妹C終於到啦...
雖然遲o左...但都仲未開始check-in...同導遊亞JOE報導後, 就排隊等check-in la...
九點半check完in, 導遊話我地係首航機...亦係第一班由香港直飛鹿兒島ge班次,
所以要影返張團體相留念喎...之後...EGL派o左d紀念品...就解晒等入閘啦...
姊妹C去o左郵局寄o左d名信片...又影o左dd相, 就差唔多入閘lu~
估唔到第一次搭飛機...就要坐埋巴士...可能閘口同架機真係隔好遠啦..."坐"o左好耐先到...
一落巴士, 大家就爭住同呢隻新機落地ge飛機影相...因為比空姐趕上機,
我同姊妹C好求其影完就上機啦...
原先check-in時, 地勤人員話姊妹C個位係窗口o黎ga...但比亞JOE調一調...我地就坐o左中間...
仲要比條走廊隔住...點解要調位? 後期亞JOE講返...原來HK EXPRESS以為我地係包機...
160 人個個都係 friend...所以將d同姓ge放埋一齊...結果就要由四團ge導遊們執過晒d位...
(順帶一提...我地呢個trip有4團, 每團40人...所以之後去邊都一大班人, 好壯觀...)
坐o左兩個鐘多少少, 就到日本鹿兒島啦, 好彩冇暈機浪~~
出o左閘, 拎埋行李之後, 鹿兒島果邊派o左人黎接我o地機...拉埋banner等我地影幅相...
之後就上旅遊巴啦...因為我同姊妹C係最後生的...所以亞JOE安排o左我地兩個坐車尾...
上車時我已經話死啦...會唔會暈車浪ga...而且我仲有d頭痛添...
諗住應該捱到返酒店食頭痛藥掛...
(我d藥放左o係行李箱入面)

o黎到日本, 呢個季節正直係櫻花ge季節,
雖然已經諗住呢團會有櫻花睇, 但冇諗過櫻花係咁粗生ga...
周圍都有...連高速公路兩步旁都係...所以我o地其實一到日本, o係飛機入面望出去已經有幾棵...
上o左巴士仲即係影條街上面ge櫻花呢~亞JOE話全日本有三十幾個品種呢~
九州而家有好多高速公路, 中途會有d休息站比遊人同司機去下toliet, 或者買下o野,
我o地由機場去宮崎平和台中間就有一個啦~ 話咁快, o係十五分鐘ge時間入面,
我o地去o左洗手間, 影o左d櫻花, 仲買埋第一份手信tim~此時我個頭更痛了...
上返車...繼續o左一陣ge高速公路..就落返去國道...即係平時ge道路...
行o左一陣就到第一個景點...
平和台...此時我已經有想嘔...不過興奮ge心情蓋過一切...落車遊覽o左先...
雖然呢個景點係奧林匹克燃點聖火ge地方...但大家ge注意力都去o左d櫻花度...
個個都只係同d櫻花影相...而姊妹C就買埋雪糕食添...
食完就即係飛上車...因為我已經好唔妥啦...

果然...由平和台去酒店ge 15分鐘車程我都頂唔住...真係嘔o左出o黎...呢幾年我都係咁...
一嘔就停唔到...要嘔到入廠...今次亦唔例外...真係嘔到停唔到...
我都驚第一日就搞到個團"喎"左...o係呢度再一次同姊妹C講聲唔好意思...
我又要佢照顧我, 又令到佢冇得訂之後幾日ge美食...
刺身船, 神戶牛柳同埋長腳蟹...咁ge身體狀況, 我當然冇得食夜晚果餐自助餐同埋浸溫泉啦~~
好彩姊妹C代我參與晒呢兩樣活動, 仲辛苦佢周圍影相添...
而我呢...一直嘔到十點幾...終於好o左dd...仲覺得有d餓添...可惜一食就嘔...
所以姊妹C買比我ge麵包都食唔到, 最後我o地問o左亞JOE意見, 佢話佢有d止嘔藥...
可以試o左先...果然有效...食o左就冇再嘔過啦...都算唔洗用多幾萬yen o黎睇醫生...
仲有精神寫返今日ge日記添~~